Sjálfstæðisflokkurinn og klæðin rauð.

Nú styttist í kosningar, mögulega fyrr en ætlað var.

Augljós skjálfti kominn fram í grasrótinni hjá sumum flokkum, þá þeim fáum sem eftir eru t.d i Valhallarflokknum og ekki enn farnir í Miðflokkinn.

Sjálfstæðisflokkurinn býr yfir mörgu hæfu fólki en ansi mörgum mishæfum til starfa fyrir almenning. Sjá má oddvita hér í borg sem hefur hátt, mætti með læti en er enn eigandi minnkandi Morgunblaðs ásamt öðrum Samherjum þar á bæ. 

Nú er skjálftinn hjá öðrum en þeim sem hér eru í minnihluta í höfuðborginni farinn að vaxa. Það má sjá á grein sem einn stuðningsmaður Valhallarflokksins rantar í morgun (10 feb) í Mórablaðið (lesist sem Morgunblaðið). 

Ekki laust við þegar lesningu á téðri grein um formann Samfylkingarinnar var lokið hafi einn áttað sig á því hversu mikið Sjálfstæðismenn hræðast aukið fylgi Samfylkingarinnar og komandi sigur þess flokks í næstu kosningum.

Lukkuriddarar, sem sumir hverjir hafa jú embætti á vegum Borgarinnar í umboði Sjálfstæðisflokksins eru sendi fram til þess að halda úti óhróðri og úr því ekki er hægt að taka slaginn málefnalega og með rökum, þá er best að fara fram með fleypur, rakalausa stafi og sett úr á klæðaburð þess sem er fyrir valinu þann daginn.

Sjálfstæðismenn og konur hljóta að vera rifna af stolti yfir framgöngu og baráttu sömu lukkuriddara við vindmyllur og áður var getið. Sér í lagi að hafa svona stuðningsmenn í vinnu í umboði borgabúa, bara kannski enn betra.

Þeim verður víst samt lítt ágengt í baráttunni við þá flokka sem vilja stuðla auknum jöfnuði og minni miskiptingu og það vita þeir.

Þeim verður víst ekki kápan úr því klæðinu.